Ceci est l'éditorial n° 87     Liste des éditoriaux     Retour accueil     Dernier numéro

Vira vira…

Libret-CD de la Corala del Convise

Dins las annadas 90, l'idèia feconda dels convises, reünions e sortidas en lenga nòstra vosadas a de rescontres e de subjèctes divèrs, auguèt un resson manhific al ras de locutors naturals o d'aficionats, uroses de participar a una òbra de respelida.

Passat 2000, amb l'evolucion vas d'animators mens variats mès pus sovent sollicitats, amb la montada de las edicions, una mena d'especialisacion s'installèt, mentre que dins l'obrador de danças, la relacion a la cultura occitana èra pas evidenta. Lo temps, lo vielhiment començavon de tocar les primadièrs.

La sortida del libret-CD Vira vira…, enregat par la corala del Convise e virat val grand public, es un eveniment notable dins l'istòria de l'associacion per çò que concretisa la vision dels fondadors, marca la permanéncia de la dralha nòstra : la lenga occitana d'Auvèrnha i es a l'onor, las cançons del país causidas auran lor plaça al solelh. Quand remònton pas d'un patrimòni mai o mens conegut, son puslèu de composicions d'autors valedors, dels còps son novèlas.

Subretot, es un trabalh collectiu. Coma al temps de l'estrambòrd fondador, cadun a portat sa plèga : voses, musica segur, mès tanben idèias, illustracions creativas, fotòs, trobalhas, disponibilitat… per la realisacion d'aquel disc e del crane libret que lo conten, donant atau, ò esperam, un bon imatge de la cançon en çò nòstre.

Prètz : 18 €

Presa de sons : Patric Roumaniol.

Pressatge : Volcan Distribution (Clarmont).

Estampariá : Albédia (Orlhac).

Vira vira… lo temps, la lenga nòstra, las cançons amb la Corala del Convise.

Nadal Lafont