Ceci est l'éditorial n°78      Liste des éditoriaux     Retour accueil     Dernier numéro

L'exposicion

'Lo Convise 20 ans'

Lo Convise festejarà son vinten anniversari a Eitrac fin de julhet 2012.

Un espectacle de cançons e de contes occitans serà donat lo vendres 27-07-2012 en serada ambe Duo D'Oc & D'Olt (les Contaires d'Òlt Patrick Delmas e Gerard Roussilhe) e la Corala del Convise menada per Glaudi Descombèls.

Lo sabte matin se plaçaran la messa occitana ambe l'abat Irlanda, lo moment oficial a la comuna, puèi, lo vèspre, l'espectacle del Terradour Flouricat a 16 oras seguit d'un espaci de rescontres, sovenirs, intervencions plasentas o poëticas sus fons de musica e aperitiu dinatòri.

L'exposicion tendrà luòc del vendres 27 al dimmèrgues 30 comprés e vòl èstre una memòria de la vida del Convise dempuèi 20 ans. Panèus per mostrar las fotòs, ordinator e aparelh de projeccion, presentadors per elements divèrs, seran disponibles. Tre uèi, podètz començar a comunicar de fotòs, d'enregistraments divèrs, de videòs, CD, DVD, documents per los reproduire o los agrandir (originals renduts), de sovenirs, de detalhs significatius… Es l'ocasion d'èstre un contributor actiu, de tornar nosar de ligams, de se rapelar lo nom de personas que cal pas oblidar de convidar, de personas de bona ajuda, dessenhaires, creators… Joèla Cassanha, Danièla Reyt, Gineta Mazet, Maurici Labeyrie, Sandy Astorg an ja començat de fornir.

Aquela mòstra es facha per gardar la memòria del monde, dels luòcs e dels moments, per se rescontrar, sentir la valor de las realisacions e dels participants, per plan prendre consciéncia del sens del Convise, entre tantas d'accions d'acompanhament que se son fachas. Aquel bilanç projectiu deuriá normalament nos donar d'idèias d'accion e una vista d'avenir.

Nadal Lafont.

Exposition 'Lo Convise 20 ans". Patrick Delmas, Gérard Roussilhe

Duo D'Oc & D'Olt