Editorial n°70       Liste des éditoriaux     Retour accueil     Dernier numéro

Lo 6 de març a Eitrac, per la remesa de la cigala del Gardon, un vent tèbi d'ecumenisme s'es levat.

Un còp lo Capolièr auguèt rapelat que d'èstre Majoral es avant tot una fonccion, encigalèt lo novelari, Miquèl Fay entonèt la Copa Santa, represa pels Felibres, Occitans e Eitragues que se sarravon a l'intrada de la sala d'exposicion comola. Se vesiáun aquí l'espèr responsable dels pairins, Joan Fay, Zefir Bòsc, de Majorals de Provença, Auvèrnha, Peirigòrd, lo Sindic mantenencial, de Mèstres en Gai Saber chanuts, Joan Maria Gaston, Jòrdi Maurici Maurí, al ras dels mini-Bouscas bravonèls, sus un fons de coèifas blancas, de bandièras e de drapèus.

L'obrador de cançons del Convise ofriguèt lo Diccionari d'ancian occitan auvernhat de Felipe Olivier, segur veniá de la librariá Découvertes occitanes de l'IEO Ostal del Libre. Los gropes felibrencs Lous Bouscàs, Terradour Flouricat, que transmeton l'èime e la cultura regionals faguèron una demonstracion colorada de lors talents. La literatura occitana modèrna èra representada per Fèliç Daval e Ives Roqueta jos l'uèlh benvolent de Jacme Taupiac, la poësia contemporanèa e la cançon rap per Joèla Cassanha e Glaudi Descombèls, mèstre de ceremonia. Teiriç Galeau, conse d'Eitrac, parlava de Vermenosa, de Galerí, de Jaurès. La conselhièra generala Floréncia Marty transmetiá un estrambòrd provençal e Bernat Filhòl, conselhièr regional, sabiá qu'aquela manifestacion continuava las capitadas precedentas dont èra estat lo menestral e que son pas oblidadas.

E tantas personas, tantas causas mai…

Dieu zò vòl dins los temps contraris

Cadun trabalha e cadun sèrv.

Malur a quau ditz a sos fraires

Ieu m'en tòrne dins lo desèrt !

Mercé Ugò. NL

Lo reportatge fotò e videò es estat assegurat per Alexandrà Astòrg

Majoral du Félibrige. Jean Fay. Zéfir Bòsc. Jean Fourié