Editorial n°67       Liste des éditoriaux     Retour accueil     Dernier numéro

A la Santa-Estèla 2009 a Selon de Crau, lo 30 de mai, lo Consistòri del Felibritge m'a elegit majoral, Cigala del Gardon. Lo bèl Joan Fay mon pairin istoric, Zefir Bòsc l'amic indefectible abondós de convises, Joan Fourié, l'autor del famós Diccionari des autors de lenga d'òc, aun desirada e portada ma candidatura. De tals pairins, lo títol que m'es donat per la nalta assemblada felibrenca son un bèl onor de darreiriá que vòli meritar de mon mièlhs, sens ufan, per mon trabalh contunhat, dins un sentiment de responsabilitat. Quand comencère de m'apassionar per l'occitan en 1984, trobèri un tresòr de causas prestas, aparadas e illustradas per un fum de monde remarcable e fidèl. A ieu de m'implicar encara mai, a paritat de fervor ambe los companhons del temps nòstre.

Lo Convise, associacion que a fons d'edicions e borsicon pròpris, pèrd res dins aquela paja novèla. Jòrdi Justin Maurí vei quitament aquí una reconeissença supèrba de nòstra contribucion. Res va cambiar pels aderents nòstres : cançons, danças, corses, revista, publicacions, relacions dubèrtas, sonca probable una ocasion de frairejacion e un espaci mai. Les convises podraun se tornar alargar coma quauque temps. Anna-Maria Neuvic çò me diguèt un jorn : " Agache pas las idèias ni las pancartas, agache la valor dels òmes. " L'institucion Felibritge es enraiçada al país vertadièr per sas mantenéncias e adaptada a l'anament d'uèi per l'espandiment de son estructura.

Bon estiu, braves amics !

Nadal Lafont

Majoral du Félibrige. Jean Fay. Zéfir Bòsc. Jean Fourié