Editorial n°52        Liste des éditoriaux     Retour accueil     Dernier numéro

Mai d'un còp, la causa occitana a parlat a las aspiracions nautas de la joinesa, a son enveja ideala d'un monde nuòu. Mas concretament, qué porgís uèi la cultura nòstra a un jove que se vòl realizar, s'establir dins l'espaci social ? A saber se pòt entreveire a travèrs ela un camin de vida, un projècte ? Pensi pas aquí a aquelas gratificacions culturalas o afectivas, a aquel espandiment uman que i cèrcan los pus vièlhs, nimai als atots descobèrts après còp dins las professions d'infirmièra d'ajuda, de veterinari, de comercial e tantas mai.

Vòli parlar dels mestièrs, mai que mai ligats a la cultura, ont la capacitat lingüistica occitana es determinanta al despart, autrament dich los mestièrs de l'occitan.

L'ensenhament prepausa lo concors es-pecial de professor de las escòlas, los pòstes en seccion bilingüa o en calandretas, los CAPES occitans, l'opcion occitan al CAPES de Letras Modèrnas, las investigacions pels cercaires. Los mestièrs de la comunicacion e dels mediàs (premsa, ràdio, television) òfron pas encara un molon de plaças mas son fòrça presats - per FR3 Tolosa lo mediamat ne'n dòna una idèia. Existísson atanben las carrièras dins l'animacion, lo torisme quand la coneissença de la lenga e de la cultura localas pòt èsser un gatge d'eficacitat. En çò nòstre, l'agéncia Sir-ventés dòna l'exemple d'emplecs professionals que assòcian la cultura d'òc e lo desvolopa-ment. En quant als emplecs associatius, ara son plan coneguts, pel secretariat, l'organizacion, l'edicion…

L'estat, las collectivitats territorialas que bailéjan nòstra vida sémblan uèi mièlhs percebre qu'un patrimòni lingüistic activat es un mai per l'economia e l'imatge de las re-gions, tot en aplanar certanas causas e ocupar lo terren. Las novèlas orientacions indicadas recentament en Lengadòc-Rosselhon e Lemo-sin deurián enfortir lo ligam san entre occitan e trabalh.

Convidi los legeires del Convise a de-clinar dins lor tèsta aquela trilogia per nòstre temps, " ensenhament, television, emplecs ", tot especialament en Auvèrnha.

N. L

Les métiers de l'occitan

.