Editorial n°48        Liste des éditoriaux     Retour accueil     Dernier numéro

Aquesta darreiriá, 'la nòstra', lutz inspi-rada, a portat mos passes vals vilatges floricats d'Alsàcia e sul Rin romantic. Estonanta destina-da de Goethe al còr de l'identitat culturala ale-manda, un dels darrièrs gènis universals dins la rega de la Renaissença e de las Luses, dont la paraula generatritz es a l'òrle d'un fenomèn to-risticò-economic enòrme, Lorelei, Erlkönig, luòcs, tèxtes sempre visitats e tornats visitats…

En camin, en remontar la val de Ròse, lo guidaire donava d'explicas plan causidas sus la vida dels países traversats, istòria, geografia, arts, ressorças de totas menas, dins un abondi bronzissent de camions europèus lançats. Mas, suspresa per ieu que veniái d'assistir a las commemoracions felibrencas del tricinquantenari, cap d'allusion a Frederic Mistral, a Mirèia, Ca-lendal, al Poèma dau Ròse… Çò m'apensèri : enquèra un demorum d'aquela mentalitat retro-grada que desvaloriza o quitament oblida las lengas de la Republica altras que lo francés.

Lo tèma del viatge - e benlèu quauqua practica de convise - me bailèt pus tard l'ocasion d'alandar un raprochament entre Goe-the e Mistral. Aquí, quauquas remarcas rapidas m'estonèron en me revelar d'idèias que son dins lo cap del monde, personalas probable, sens venir d'una orientacion anti-òc recebuda : Goe-the a parlat de tot, Mistral seriá puslèu regiona-lista ambe sa Provença e lo temps vièlh... Mos interlocutors de taula estimàvon Mistral sens qu'una dralha comparatista los motivèsse. Un certan sentiment d'injustícia que començava de pónher en ieu, lo sovenir en meravilha de la des-cobèrta de Mirèia, tot aquò o amaisèri per pas m'embaurar, que, en viatge organizat, val mièlhs trobar de punts comuns que de debats. Diguèri suavament quauques mots de l'expression su-brebèla de Mistral, de l'emocion que mònta, que fai venir la lagrima a l'uèlh dels òmes reputats fregs coma l'acièr. Un pichon ròdol rodanenc deven universal quand l'engèni flamejant i ins-criu l'immense bonur de l'amor e la tragedia de la mòrt…

Alsàcia, autre terrador floricat, cossí ès polida ! Los corondatges e los geraniums de tos ostals en colors son l'ensenha gaia d'un país dinamic que pèrd ni son biais ni sa lenga en por-tar un vam europèu mestrejat.