Editorial n°39       Liste des éditoriaux     Retour accueil     Dernier numéro

Festenals e escoletas.

Mai se se ne'n parla gaire, la desfacha de los qu'aviáun lançat lo procediment de Matignon e amodadas de mesuras interessantas per las lengas regionalas a lo biais d'un còp dur, d'una ocasion istorica mancada. L'associacion Diwan es estada la primièra servida.

Mès lo novèl primièr ministre sembla voler èsser un òme de continuitat, de compreneson, benlèu l'òme de la situacion que saurà contentar los amoroses de las regions. Presenta ja lo Puèg del fòl coma un modèl de decentralizacion e, 'quò's vertat, la Vendée es plan fièra de son pargue mondialament conegut. Quand Vermenosa parlava de l'Auvèrnha, de la vaca de Salèrn, la populacion entrevesiá un desvolopament economic, sentiá sos interès en jòc. Regionalisme e mesa en valor s'afràiron. Un certan occitanisme politic acèrta pas totjorn tanplan coma l'Aubrac toristic e economic amb sos despòrts d'ivèrn, sos cotèls, son aligòt, son fromatge, son imatge tradicional e modèrne..

E la lenga d'òc ? Un òme pragmatic, desirós que 'quò marche, s'entracharà lèu que, amb la fofa mesurada del pòble d'òc per son especificitat lingüistica, la Republica es pas amenaçada mai qu'atau… E puèi, se los intermitents de l'espectacle vòlon cantar en occitan, se los parents vòlon per lors pichons una pedagogia de calandreta e d'escòlas bilingüas, 'quò's simpatic. Perqué voler veire lo mal pertot ? Un " Vos ai compréses " pòt copar carrals a las vèrbias acavaladas. Arribatz, festenals occitans gigants e escoletas !

Una decentralizacion aubirada deuriá èstre l'ocasion d'alestir mièlhs l'article 2 de la Constitucion. Una bona mesura, que trucariá pas gaire al temps de las frontièras dubèrtas a l'anglés comercial e que flairariá la doça França.

Nadal Lafont.