Editorial n°35        Liste des éditoriaux     Retour accueil     Dernier numéro

Cossí faire viscar la cultura d'òc dins lo grand revolum uniformizaire d'uèi ?

Se prendi l'exemple dels disques, la diversitat de las sensibilitats del public es lònh d'èstre presa en compte. Al dire de discaris regretant d'èstre venguts de merchands de sopa, la consomacion dels crompaires es fortament orientada per la publicitat, la distribucion impausa quasiment una merchandisa que lo nombre tregís, content d'èstre a la mòda. I a pas pertot de F.N.A.C. e Internet fa pas totjorn miranda.

Mès vòli pas reprendre de vièlhs relais ideologics ni passadistas. Ara sabèm ben que Big Brother arriba a virar lo monde al biais de sos interès e que la malleabilitat es d'aici'stant una qualitat de l'espècia umana.

Pel demai, plan aviats dins l'aventura modèrna, res nos empacha de dire un mot d'òc se quauque micrò o camerà se tròba aquí, e tanben, eficaçament, cada jorn, per la carrièra, en grope, a la fièira, en far l'article per de produchs nòstres, en portar sur se un signe, en associar l'òc a çò que se fai, òme-entrepan a son compte pas tròp corrent. Lo folclòr (coma z a vist Glaudi Sicre) es una mina inagotabla de colors, de trobalhas, de poesia umana.

Nadal Lafont