Editorial n°31        Liste des éditoriaux     Retour accueil     Dernier numéro

Arsèni Vermenosa es lo poèta màger de l'Auvèrnha Nalta. Sens aver cercat la facilitat, pas brija demagòg, es estat popular còp sec e z-es demorat. Encara uèi, de personas que ne'n faun pas mestièr, son capablas de vos recitar de memòria qualques unses dels cap-d'òbra de Flor de brossa, Las doas menetas en tèsta.

Lo Convise, luòc de lenga, es estat atirat còp sec per aquel mèstre. Mai d'un convise li es estat consacrat :

Legidas de Vermenosa (Terèsa Canet, 11-01-1992),

Sus las piadas de Vermenosa (Jòrdi Justin Maurí, 17-06-1994),

A la crotz d'en Vermenosa (Jòrdi Justin Maurí, 21-10-1995).

L'exposicion Arsèni Vermenosa presentat dins sa carrièra, bailejada per Jòrdi Justin Maurí, es estada montada a l'obrador de Maria-José Felgina en decembre 1996.

Las animacions del Convise aun aculhit mai d'un poèma de Vermenosa ambe Josèp Vidal e Joan-Maria Gaston.

Ai amassat los Inedichs lengadocians e lo Convise los a publicats dins un 'tresen Vermenosa en lenga d'òc' en març de 1996.

La mòstra pel Tricinquantenari de la naissença d'Arsèni Vermenosa volguda en l'an 2000 pel municipe d'Itrac e son conse Bernat Filhòl es dins la rega del Convise, content de rendre servici a los qu'aun de bonas idèias.

Aquela mòstra es estada plan aculhida pels prestaires : de documents rares, quaucòps desconeguts, son sortits dels òrts esconduts e arríbon cada jorn. Imatges, retrachs, tablèus, objèctes de civilizacion l'adórnon e reconstituísson un rèire-plan d'epòca e de terrador. Profitatz-ne e tornatz-i.

Nadal Lafont

Veire aforismes relevats per Vermenosa (pagina 26 )