Editorial n°1(a)        Liste des éditoriaux     Retour accueil     Dernier numéro

Dempuèi lo mes d'òst de 92, es estada constituïda una associacion "Lo Convise", mencionada al Jornal Oficial del 26/08/92.

Una primièra tòca d'aquel gropament es la fixacion e la transmission de la memòria d'òc dins un temps de transformacions e de rebaladís. Pendent nòstras reünions e sortidas del dissabte après-miègjorn, desinterassadas, en lenga occitana, ai sovent pensat que las personas que nos parlàvon ambe lor cur de las riquesas de nòstra civilisacion aviáun coma un espèr qu'aquela beltat se pèrdia pas e se transmetèsse. Umils obrièrs, dins la mesura del nòstre possible, assajarem de gardar una traça d'aquelas rescontras, d'aquelas coneissenças, per de publicacions de mai d'una mena, escrichas o autras, en lenga occitana.

L'autra tòca es la creacion de situacions favorablas a nòstra lenga, a nòstra cultura, dins lo monde d'uèi : aquelas assembladas calorosas per conversar, viatjar, trabalhar, estudiar, exprímon una fidelitat a la civilisacion d'òc. Un cors d'occitan es prepausat.

Lo Convise es dubèrt a totas las personas que vòlon passar de bons moments en parlar la lenga occitana, aquela de chas nautres.

Nadal Lafont