Editorial n°15(b)        Liste des éditoriaux     Retour accueil     Dernier numéro

Lo Convise es estat declarat coma associacion independenta a la Prefectura d'Orlhac lo 10 d'agost 1992.

Las activitats de convise avián començat en octobre de 87 dins l'encastre de l'IEO Cantal sus proposicion de Nadal Lafont que ne prenguèt la responsabilitat (nom, coordinacion e animacion). A costat dels nombroses convises menats per Teiriç Òfre, Pèire Brugèl... la capitada maja d'aquela primièra fasa seguèt probablament lo Torn del Cantal en tren, lo 2 de junh 1991, animat per Joan Chautard.

La constitucion d'una associacion occitana diferenta ven de la gèina encontrada per Nadal Lafont per far emergir de projèctes dins l'estructura iniciala (question de prioritats) e non pas de guirguilhs personals o ideologics.

Dempuèi, Lo Convise es estacat a son identitat mas aquel viscut comun explica las bonas relacions entre los membres de las doás associacions.

Lutz Lafont

Lo contract de Gisèla Ausòla, secretària del Convise, es estat renovelat. Lo Convise, plan content, la felicita.

Un novèl obrador vai s'alandar a la dintrada. Serà bailejat per Anna-Maria de Luca ambe la complicitat de l'acordeonista Andriu Lafont. Debutants e amators podràn i aprendre lo pas e las figuras de las principalas danças.

Lo març de 17 oras 15 a 19 oras, cada quinze jorns. Fogal Miquel Leimariá, carrièra Cincarbres, Orlhac.